2013 冬日韓遊(一)~冬運會滑雪場地 Alpensia


DAY1(上)~香港→仁川國際機場→Alpensia Pyeongchang Resort


今年先後去了三次日本,來到聖誕節,終於轉轉口味,去一去久違了幾年的韓國。玩盡五天的行程由 02:45 的凌晨機開始,十二點幾去到機場,除了麥當勞、大家樂等幾間食肆外,所有店舖也關上了門,想買本八卦雜誌也買不到。不過幸好早有準備,電話滿載了日劇,臨上機前還 Download 了等了幾天的《Doctor X-2》大結局,不愁沒有節目。

可是上機後,縱有一大堆節目亦敵不過睡魔,不消五分鐘就睡著了,連飛機什麼時間起飛、什麼時候派餐也完全不知道,直到接近落機才醒來。

仁川國際機場

取回行李,第一時間就是去兌換韓圜,一萬圜兌 75 港元,比香港好一點,由於沒有時間到市中心的找換店,索性一次過兌換了成程的旅費。

去過了韓國近十次,每次都離不開滑雪,今次當然也不會例外,一落飛機就目指 Alpensia Resort。順利買到了長途巴士票,兩大一小車費合共 ₩72500,以三個半小時的車程來說不算貴。


▲到達仁川機場,時間是 07:30




看看距離開車還有個多小時,於是就先去吃個早餐。去到了選擇較多的 Departure Hall,找了間便宜的 food court,清淡的魚蛋烏冬加上海帶飯就是簡單的第一餐韓國餐。這裡可以自取泡菜等小食,阿斐當然乘機攪攪震,一時去取泡菜,一時又去斟咖啡,侍應生上身,不失為一個醒神的好節目。



可以自己去夾泡菜就最開心

魚蛋烏冬 ₩9000

阿斐比爸爸還健康,吃海帶湯飯 (₩7000)



吃飽早餐,暖暖身體後,就要去巴士站感受一下 -5℃ 的氣溫。雖然和香港相差接近廿度,不過亦沒有想像中的凍,還可以接受。來到韓國,文字和語言始終是最大的障礙,看見巴士到站都要再三確認才敢上車,不過感覺今次看到的英文指示好像比以往多了一點,方便了少許。



晨光初現,整個機場也隨即充滿了生氣

好凍呀!還是快點上車


三個半小時的車程,大家都不敢多喝水,不過阿斐總是不聽勸告,好不容易才忍到休息站,一下車就要衝去廁所。我們自備了豐富的車上娛樂,看罷大門未知子又看看《爸爸,我們去哪兒?》,不經不覺就到達了滑雪場。



終於捱到了中途站,大家都趕緊上廁所

阿斐的娛樂節目


Alpensia Pyeongchang Resort

Alpensia 是 2018 年平昌 (Pyeong Chang) 冬季奧運會的舉辦場地,各項設施自然齊備又完善,Resort 內有兩間酒店,而我們今次就入住 Intercontinental。今天藍天白雲,陽光普照,映照著地上的積雪,顯得份外耀眼。



藍天加白雪陪伴著我們過聖誕

天朗氣清、陽光普照,是最適合滑雪的天氣

阿斐小姐當然要幫手搬行李


我們看見美好的天氣,都急不及待要去滑雪場一展身手,幸好酒店方面亦十分配合,可以讓我們提早取得房間,安頓好就可以馬上出發。Intercontinental 的房間夠大,枕頭床鋪又舒服,可惜有個缺點,就是 Wifi 要付費,加上我的新版 Mac Book  又沒有位插 lan 線,看來大家要捱一捱不能上網的日子。



Intercontinental 的房間自然有保證


在房間安頓好後,其實已經兩點幾,雖然想馬上去滑雪,但始終都要先醫醫肚,於是就走去 Lotteria 買個漢堡包,吃點薯條作午餐。



大家都急著要一展身手,快餐店自然是最佳選擇

為了省時間,阿斐連漢堡包也不吃,改吃芝士條,方便快捷

傻人吃芝士條

留言

  1. 你好! 我今個月尾都會去alpensia, 請問係機場坐車入去一個個幾錢?同埋alpensia 租滑雪用具幾錢左右?

    回覆刪除
    回覆
    1. 你好!由機場去 Alpensia,巴士成人 ₩29000,小童半價。至於租滑雪用具方面,ski 半日 ₩23000,全日 ₩27000;Snowboard 半日 ₩25000,全日 ₩32000;Lift ticket 半日 ₩50000,全日 ₩65000。如果有 Intercontinental 或 Holiday Inn 房咭有七折 (或者八折,唔記得咗)。

      刪除
  2. 你好!如果去Alpensia 的巴士飛難買嗎?會好多人排隊嗎?麻煩曬

    回覆刪除
    回覆
    1. 我地上次去可能早,買飛冇乜困難,巴士都唔滿。如果冇記錯,售買處應該喺客運大樓內,唔駛行出室外。

      刪除
  3. 唔該晒!我們一家的酒店同你們一樣,真巧合

    回覆刪除
  4. Hello,
    What was the date you go ? Is it early of December? I plan to go this coming Dec (5-6 Dec) . Not sure if the snow is thick enough for Skiing

    回覆刪除
    回覆
    1. 你好,我上次係聖誕節期間去嘅。喺網上搜尋過,但係搵唔到今年嘅開放時間,不過附近嘅龍平通常喺11月中左右開始營業,可作參考。每年嘅天氣都唔同,最好都係喺10月尾左右再上網睇吓。

      刪除
  5. 請問你book這普通房, 定係Deluxe? 三人不用付加$?

    回覆刪除
    回覆
    1. 你好,我當時 book 嘅係 King Superior Room,兩晚唔包早餐 $4000,小朋友好似唔駛係附加費,不過你 book 嘅時候都係 check 清楚好啲。

      刪除
  6. 請問你小朋友滑雪時, 穿幾多衣服呢? 我們十二月去, 是第一次滑雪, 想請教如何穿衣? 另外,請問你們是自備滑雪服,還是在雪場租?如果租,尺碼齊嗎?謝謝

    回覆刪除
    回覆
    1. 如果只是初學,因為經常要搬滑雪板上斜波,會攪到身水身汗,建議裡面著普通底衫加長袖衛衣,外面加fleece同防水防風外衣。我地自己有裝備,只會租滑雪板,如果租衫,應該會有足夠的size。不過其實外衣、fleece自己都會有,喺香港買多條防水褲就ok,唔駛去租都得。除咗衫,仲要加埋手套同滑雪鏡,滑雪場會有得賣同租。

      刪除
  7. 你好~下個月月中也會去Alpensia的,所以想問一下買票的時候直接跟服務員說去Alpensia還是有幾號巴士參考的?謝謝。

    回覆刪除
    回覆
    1. 你好,印象中巴士係冇號數嘅,只有方向「Pyongchang Alpensia」

      刪除
    2. 你好 其實我同樓上想問GE差唔多 因為我唔識韓文 到時係唔係同機場服務員講我想去ALPENSIA RESORT就可以買到直接去到ALPENSIA ge巴士票?同埋想問你覺得有冇需要預約定巴士票?定係落機之後即場買都ok?我已經上網搵左好耐點樣係仁川機場去alpensia都搵唔到 希望你可以幫下我 麻煩晒你~~

      刪除
    3. 你好,我幫你在網上搜尋過,你可以在仁川機場的網站找到 www.airport.kr/pa/en/a/index.jsp
      巴士應該係去 Gangneung 方向,月台 9C,好似只有 07:30、11:00、15:00 同 19:30 幾班先會停 Alpensia 同龍平的。應該冇得預訂,落機買就 ok。

      刪除
  8. 我們剛剛12月去過。1500後,有1630班車。我們是預訂車票兩大兩小。 http://funtastickorea.com/
    12月18日到,因仍未最旺日子,上車時仍有位。我在網上都揾左好耐才找到資料,所以希望幫到你。

    回覆刪除

發佈留言